विराटनगर,२२ फागुन । राष्ट्रिय टी–२० क्रिकेट कोशी प्रदेश ट्रफी प्रतियोगिताको आजदेखि विराटनगर–१९ स्थित बैजनाथपुरस्थित गिरिजाप्रसाद कोइराला अन्तर्राट्रिय क्रिकेट रंगशालामा शुरु भएको छ ।
आज भएको दुई खेलमा कोशी प्रदेश र सुदुर पश्चिम प्रदेश विजयी भएका छन् ।
पहिलो खेलमा कोशी प्रदेशले कर्णाली प्रदेशलाई ३८ रनले पराजित गरेको छ । टस जितेर पहिले व्याटिङ गरेको कोशी प्रदेशले निर्धारित २० ओभरमा ८ विकेटको क्षतिमा १४० रन बनाएको थियो ।
यस्तै कर्णालीले १८ दशमलव ३ बलमा सवै विकेट गुमाई १०२ रन बनाइ पराजित भएको थियोे ।
यसैगरी दोस्रो खेलमा सुदुर पश्चिम प्रदेशले गण्डकी प्रदेशलाई ४० रनले पराजित गरेको छ ।
टस जितेर पहिले ब्याटिङ गरेको सुदुर पश्चिम प्रदेशले निर्धारित २० ओभरमा २ विकेट गुमाई १७२ रन बनाएको थियो ।
जवाफमा १७३ को विजयी लक्ष्य पछ्याएको गण्डकीले १७ दशमलव ४ बलमा सवै विकेट गुमाई १३२ रन मात्र जोड्न सफल भएको थियो ।
चैत ३ गतेसम्म सञ्चालन हुने प्रतियोगितामा सातै प्रदेश र तीन विभागिय टोली गरि १० टिम सहभागिता रहेको छ।–––