विराटनगर,९ वैशाख । झापाको कनकाई स्पोटिङ्ग क्लव सुरुङ्गा चौथो संस्करणको मिल्स गोल्ड कप फुटवल प्रतियोगिता अन्तर्गत आज भएको खेलमा विजयी भई सेमिफाइलनमा पुगेको छ ।
मिल्स गोल्डकप ट्रष्टद्वारा आयोजित उक्त प्रतियोगिताको आज विराटनगर जुटमिलको खेलमैदानमा भएको खेलमा कनकाईले विराटनगरको टिडब्ल्युलाई २–१ गोलले पराजित गरी सेमिफाइनलमा पुगेको हो ।
कनकाइका सन्दिप रसाइलीले दुई गोल गरी आफ्नो टिमलाई सेमिफाइनमा पु¥याउन सफल भएका छन् ।
रसाइली खेलको प्लयेर अफ द म्याच घोषित हुनका साथै नगद रु तीन हजार प्राप्त गरेका छन ।
खेल सुरू भएको २७ औं मिनेटमा टिडव्ल्युका आशिष राईले एक गोल गरे भने दोस्रो हाफको ५० औं मिनेटमा कनकाइ स्पोर्टिङ क्लबका रसाइली एक गोल गरी खेल बरावरीमा पु¥याएका थिए भने खेल सकिन दुई मिनेट आगाडि पुनःरसाईले पेलान्टी मार्फत थप एक गोल गरी आफ्नो टीमलाई सेमिफाइनलमा पु¥याएका छन् ।
सोमबारको अन्तिम क्वाटर फाइनल खेल कोशी प्रदेश प्रहरी कार्यालय रानी विराटनगर र पूर्व बिजेता मधेश प्रदेशको गोलबजार स्पोर्टिङ क्लब सिरहा बीच हुनेछ ।–––