विराटनगर,१३ वैशाख । चौंथो संस्करणको मिल्स गोल्डकप फुटबल प्रतियोगिताको फाइनलमा पेमा युवा क्लब विराटनगर पुगेको छ ।
विराटनगर जुटमिलको खेलमैदानमा आज सम्पन्न भएको अन्तिम सेमिफाइन खेलमा पेमा युवा क्लवले कोशी प्रदेश प्रहरी कार्यालय रानी विराटनगरलाई ३–१ गोलले हराउँदै फाइनलमा पुगेको हो ।
पेमा युवा क्बलको तर्फबाट मिलन राई, समिर राई र कुलदिप कार्कीले एक ÷एक गोल गरे भने प्रहरीको तर्फबाट उज्जल राईले गोल फर्काएका थिए ।
खेलको २९ औं मिनेटमा प्रहरीका उज्जल राईले गोल गर्दै अग्रता दिलाएका थिए भने ४३ औं मिनेमा पेमा युवा क्लवका मिलन राई गोल गर्दै खेल बराबारीमा ल्याएका थिए ।
यस्तै दोस्रो हाफको ६१ औं मिनेटमा पेमाका समिर राईले र ६५ मिनेटमा कुलदिप कार्कीले गोल गर्दै टिमलाई फाइनलमा पु¥याउन सफल भएका छन् ।
प्रतियोगिताको प्लेयर अफ द म्याच पेमा युवा क्लबका मिलन राई घोषित हुनका साथै नगद रु तीन हजार प्राप्त गरेका छन् ।
मिल्स गोल्डकप फुटबल ट्रष्टको आयोजनामा भएको प्रतियोगिताको बिजेताले रु दुई लाख ११ हजार एक सय र उपबिजेताले रु एक लाख ११ हजार एक सय प्राप्त गर्ने छन् ।
शनिबार हुने फाइनल खेल सशस्त्र प्रहरी बल (एपीएफ) पकली,सुनसरी र पेमा युवा क्लब विराटनगरबीच प्रतिस्पर्धा हुनेछ ।–––