विराटनगर, १४ मङ्सिर ः विराटनगरमा न्युन शुल्कमा सर्वसाधारणलाई स्वास्थ्य उपचार सेवा दिन प्राइम अस्पताल विराटनगरको सेवा आजदेखि शुरु भएको छ।
विराटनगर हस्पिटल चौकमा रु ११ करोडको लागतमा २५ शैय्याको अस्पतालले आजदेखि सेवा सञ्चालमा ल्याएको छ।
अस्पतालको सात जना सञ्चालकका आमाहरुले सामुहिक रुपमा उद्घाटन गर्नु भएको थियो ।

अस्पतालका सञ्चालक सनातन मण्डलले चाँडै एक सय शैयामा विस्तार गरिने पनि जानकारी दिनुभयो ।
उद्घाटन समारोहमा अस्पतालका सञ्चालक सनातन मण्डल, डा. रमेश चौरसिया, डा. रंजिव यादव, डा. अजय महतो, डा. मनिष अग्रवाल र डा. टेकनारायण यादव लगायतको सहभागिता रहेको थियो ।
सञ्चालक समितिका अध्यक्ष डा. रमेश चौरसियाले अस्पताले उपचारका लागि विश्वमा आएको नयाँ प्रविधि र प्रयोगशाला प्रयोगमा ल्याएको जानकारी दिनुभयो ।
अस्पतालले १५ जना विशेषज्ञ चिकित्सकहरूले सेवा सुरु गरेको अस्पताल प्रशासनले जनाएका छ ।–––