विराटनगर । विराटनगर ८ मा अवस्थित ग्रेडेड स्कुलले ग्रेडेड गायन प्रतियोगिताको छनोट चरण सम्पन्न गरेको छ।

दुई समूहमा विभाजित उक्त गायन प्रतियोगिता कक्षा १ देखि ४ र ५ देखि १० को दुर्इ समूह रहेको थियो। कार्यक्रमको निर्णयको भूमिकामा वरिष्ठ गायक तथा संगीतकार बिक्रम बस्नेत रहेका थिए ।
कक्षा १ देखि ४ सम्म प्रिस्कला राई , जेनिफर थापा, शान परियार, अक्षया बुढाथोकी , प्रतिष्ठा बिष्ट, निरिति पोख्रेल, इभान्जेलिना मर्डी र शीतल ताजपुरिया गरी आठ जना फाइनल चरणकोलागि छनोट भएका छन्। त्यसैगरी कक्षा ५ देखि १० सम्ममा ईशान अधिकारी ,प्रश्रय विष्ट, सृष्टि सोरेन, सुहाना खड्का, निरञ्जन मिश्र, कृतिका यादव ,इशानी सिंह, सिम्रन सुवेदी, जिया भगत ,प्रशिष्का बराल, हर्षित पराजुली र आकृति चौधरी गरी १२ जना विद्यार्थीहरू फाइनल चरणका लागि छनोट भएका छन्। उक्त अवसरमा विभिन्न कक्षाका विद्यार्थीहरूद्वारा नृत्य प्रस्तुत पनि गरिएको थियो।

ग्रेडेड गायन प्रतियोगिताको फाइनल चरण मङ्सिरमा हुने विद्यालयका प्रधानाध्यापक प्रेमलाल सिंह सुवालले जानकारी गराए।