विराटनगर ,१७ फागुन । ओखलढुङेलीहरुको भेलाले बाबुकाजी थापाको संयोजकत्वमा ओखलढुंगा–मोरङ सेवा समाजको तदर्थ समिति गठन गरेको छ । शनिबार विराटनगरमा भेला भएका ओखलढुङेलीहरुले एघार सदस्यीय तदर्थ समिति गठन गरेको हो । गठित समितिको उपाध्यक्षमा कृष्णबहादुर कार्की, सचिव कौशल निरौला, कोषाध्यक्ष नवराज काफ्ले चयन हुनु भएको छ । यस्तै सदस्यहरुमा तीर्थराज घिमिरे, लिलाराम बाँस्तोला,रोमप्रसाद धमला, गिरीराज अधिकारी,धिरज आचार्य, तारा कटवाल,शोभा पोखरेल रहनुभएको छ ।

ओखलढुङ्गा थातथलो रही , हाल मोरङ जिल्लामा आएर बस्ने ब्यक्तिहरुको बीचमा आपसी सद्भाव र जिल्लावासीको सामिप्यतानजिक बनाउने उद्देश्यले समिति निर्माण गरिएको सो तदर्थ समितिका सचिव कौशल निरौलाले जानकारी दिनुभयो । सो समितिमार्फत ओखलढुंङाबाट विराटनगरमा आई बसोवास गरेका एकीकृत हुने भएका छन् । कार्यक्रममा ओखलढुङेली अगुवा तिर्थराज थापा,मधुसुदन ओझा,सोमनाथ घिमिरे,शम्भु दाहाल र राजकुमार थापा,देवेन्द्रराज पोखरेल लगायतको सहभागिता रहेको थियो । यस्तै भेलाले तदर्थ समितिका सचिव कौशल निरौलाको संयोजकत्वमा लिलाराम बाँस्तोला र मातृका प्रसाद घिमिरे रहेको तीन सदस्य बिधान मस्यौदा समिति गठन गरेको छ ।