विराटनगर,१४ भदौ । एसएलसी ब्याच ०५३ समूहले विराटेश्वर वृद्धाश्रम सेवा
समिति विराटनगरलाई आज विभिन्न आवश्यक सामाग्री हस्तान्तरण गरेको छ ।
सरस्वती माविबाट ०५३ सालमा एसएलसी दिएका युवाहरुको समूहले शनिबार एक कार्यक्रम आयोजना गर्दै विराटनगर ८ स्थित आश्रमका बृद्धवृद्धालाई खाना
खुवाउनुका साथै आवश्यक सामाग्री वितरण गरेका छन् ।
समूहका संयोजक सुमन अधिकारीका अनुसार आश्रममा रहेका ६५ जना वृद्धवद्धालाई खानासंगै तन्ना, ऐना,नङ्ग काट्ने लगायतका अन्य सामाग्री प्रदान गरिएको छ।
उनले भने, ‘सामाजिक कार्य गर्दै आएको यो समूहले मासिक रुपमा संकलन गर्दै आएको रकमबाट नै सामाग्री खरिद गरि आश्रममा रहनुभएका बुवा आमालाई उपलब्ध गराएको हो।”
केहीदिन अघि आश्रममा पुगेर आवश्यक चीजबारे बारे बुझ्दा आश्रमका सञ्चालक जगत अर्यालले ओछ्यानमा लगाउने तन्ना, नेल कट्र र ऐना लगायतका सामाग्री चाहिएको बताएको अधिकारीले उल्लेख गरे ।
आश्रमलाई आवश्यक रहेको ७० थान तन्ना, काइयो, नेल कटर र ऐना उपलब्ध गराएको अधिकारीले जानकारी दिनुभयो ।
उक्त व्याचले विभिन्न सामाजिक कार्य गर्दै आएको बताएका विराटनगरभित्र सकारात्मक काम गर्नुपर्ने सोचसहित अघि बढेको उहाँले बताउनु भयो ।
सोही अनुसार रु ३५ हजार बराबरको सरसमानसहित बृद्धवद्धा आमाबुबालाई भोजन गराएको थियो ।–––