विराटनगर,भदौ ।सुनसरीको इटहरी स्थित पाथीभरा सेकेन्डरी स्कुलले विद्यार्थीहरूलाई एआई तालिम दिएको छ।
कक्षा ६ देखि ९ सम्मका ८ सयभन्दा बढी विद्यार्थीहरूलाई एआई तालिम दिइएको हो।
तालिमको सहजीकरण एनपिआईका प्रशिक्षक लिलाराज भट्टराईले गर्नुभयो।
विद्यार्थीहरूमा स्मार्ट अध्ययनको विकास गराउन एआई तालिम दिएको विद्यालयका प्रिन्सिपल डा. गोपाल श्रेष्ठले बताउनुभयो।
किताबी ज्ञान मात्र नभई जीवनोपयोगी विभिन्न क्रियाकलापहरूमा आफूहरूले जोड दिएको विद्यालयका अध्यक्ष निर्मल रिजालले जानकारी दिनुभयो।
अध्ययनमा एआईको सही प्रयोगले विद्यार्थीहरूले घण्टौँ लाग्ने काम मिनेटमा गर्न सक्ने प्रशिक्षक लिलाराज भट्टराईले बताउनुभयो।
पाथीभरा स्कुलले सो अवसरमा ८ जना प्रशिक्षकबाट १५ सेसनमा विभिन्न तालिम सञ्चालन गरेको छ। विभिन्न विषयमा विद्यार्थीहरूलाई प्रशिक्षित गरिएको हो।