विराटनगर । विराटनगर – स्थित एभरेष्ट सेकेण्डरी स्कूलमा अन्तर हाउस बास्केटबल प्रतियोगिता सम्पन्न भएको छ । विद्यालयका प्रीन्सिपल टिकाराम पुरीले उद्घाटन गर्नु भएको प्रतियोगिता एभरेस्टकै अन्तराष्ट्रीय स्तरको कोर्टमा भएको हो ।

शुक्रबारदेखी सुरु भएको प्रतियोगितामा पुरुषतर्फ चार वटा र महिला तर्फ दुइटा हाउस बिच प्रतिष्पर्धा भएको थियो । शनिवार सम्पन्न फाईनल खेलमा पूरूष तर्फ कोशी हाउस विजयी भएको छ । कोशी हाउसले गण्डकी हाउसलाई १६- ४ अंकका साथ जितेको हो । जस्का लागि कक्षा १० का अल्तमास खानले १४ अंक बटुल्न सफल हुनुभयो । फाइनल अघि मेची हाउसलाई पराजित गर्दै गण्डकी फाईनल पुगेको हो भने कर्णालीलाई पराजित गर्दै कोशी फाइनल पुगेको हो । यसैगरी महिला तर्फ मेची र कोशी हाउसले खेलेका थिए । जस्मा मेचीलाई ८-२ अंकका साथ कोशीले जित निकाल्न सफल भएको हो । कोशीका लागि कक्षा १० की अन्मेशा श्रेष्ठले ५ अंक बटुल्नु भयो । प्रतियोगितामा कक्षा ४ देखी १० सम्मका विद्यार्थी खेलाडीले भाग लिएको विद्यालयकी अतिरिक्त कृयाकलाप इन्चार्ज सुधा डंगोलले जानकारी दिनुभयो ।—