विराटनगर, १४ मङ्सिर ः कोशी प्रदेशका मुख्यमन्त्री हिक्मतकुमार कार्कीले प्रदेशमा लैङिक हिसा नियन्त्रण गर्न आवश्यक कानुन निर्माण गर्ने बताउनु भएको छ।
रंगेली नगरपालिकाद्वारा आज ३४ औँ अन्तर्राष्ट्रिय लैङ्गिक हिंसा विरुद्ध १६ दिने अभियान –२०२५ अन्र्तगत एक दिने किशोरी स्वास्थ्य परामर्श मेलाको उद्घाटन गर्दै उहाँले आगामी दिनमा प्रदेशमा सबै प्रकारको महिला हिंसा नियन्त्रणका लागि प्रदेश सभाबाट आवश्यक कानुन निर्माण गर्ने जानकारी दिनुभयो ।
मुख्यमन्त्री कार्कीले महिला हिंसा घृणित कार्य हो भन्ने सबै पुरुष संकल्प गरेमा समाजबाट यो नियन्त्रण हुने विचार राख्नु भयो ।
उहाँले किशोरीहरुको महिनावारी वढ्दो उमेरसँगै यो प्राकृतिक प्रकिया भएकोले त्यसबेला परिवारका अभिभावकहरुले पोशिलो खाना, हौसला प्रदान एवं स्वास्थ्य सम्वन्धी जानकारी दिनु पर्ने सुझाव दिनुभयो ।
मुख्यमन्त्री कार्कीले प्रदेश सरकारले विद्यालय, कलेजवाट लागु पदार्थ दुव्र्यसन मुक्त , विद्यार्थीलाई नैतिकवान बनाउनु र समाजलाई चरित्रवाट बनाउन ‘ म अघि वढ्छु’ अभियानलाई दिगो र स्थायी बनाउन कानून निर्माण गरी सबै पालिकाहरुलाई सहभागी गराउने बताउनु भयो ।
कोशी प्रदेश सभाकी उपसभामुख सिर्जना दनुवारले समाजबाट महिला हिंसा नियन्त्रयण गर्न सचेतना अभियान सञ्चालन गर्नुपर्नेमा जोड दिनुभयो ।
रंगेली नगरपालिकाका प्रमुख दिलीप अग्रवाल (वगडिया), उपप्रमुख झुमाकुमारी निरौला, लेटाङ्ग नगरपालिकाका उपप्रमुख कृष्णकुमारी पोखरेल निरौला, गैरसरकारी संस्था महासंघ मोरङ अध्यक्ष विष्णु शर्मा पन्त लगायतले समाजमा छोरा छोरी वीच हुने भेदभाव र महिला हिंसा नियन्त्रणमा हामीसबैले आफ्नो क्षेत्रबाट कार्य गर्नुपर्ने बताउनु भयो ।
मेलामा रंगेली नगरपालिकाका १३ सामुदायिक र सात संस्थागत र स्वास्थ्य संस्थाहरुको सहभागिता रहेको छ ।–––