विराटनगर । उच्च शिक्षालय तथा माध्यमिक विद्यालय संघ नेपाल (हिसान) मोरङकोे आयोजनामा हिसान स्पोट्र्स मिट २०८२ अन्तरगत शनिबार राती सम्पन्न भएको हिसान फुटबल अन्तरगत छात्र तथा छात्रातर्फ रेडस्टार कलेजले उपाधि जितेको छ ।
शहिद मैदानमा भएको छात्रतर्फको फाइनल खेलमो रेडस्टार कलेजले शिक्षा सन्देश कलेजलाई पेनाल्टी सुटआउटमा ५–४ को गोल अन्तरले परािजत गरि उपाधि जितेको हो । निर्धारित समयमा दुवै टिम १–१ गोलको बराबरी खेलेपछि खेलको निर्णय पेनाल्टी सुट आउटबाट भएको हो । रेडस्टारको जितमा मनिष लिम्बु, रुद्र योगी, रिशव मगर, सौगात राई र प्रशान्त तामाङले गोल गरे भने शिक्षा सन्देशका योहाना लिम्बु,मिलन थापा, राहुल राजवंशी र प्रेम हलुवाईले गोल गरे । शिक्षा सन्देशका अनुप धिमालले गरेका प्रहार रेडस्टारका सागर दर्नालले उत्कृष्ट बचाउ गरेर रेडस्टारको जित सुनिश्ति गरे ।
फाइनल खेलको प्लेयर अफ फाइनल शिक्षासन्देशका मिलन थापा घोषित भए भने प्लेयर अफ टुर्नामेन्ट कान्तिपुरका प्रकाश ताती भए । त्यस्तै हाइ स्कोरर बुद्ध कलेजका जतिनकुमार थारु, उत्कृष्ट गोलकिपर रेडस्टारका सागर दर्नाल, उत्कृष्ट डिफेन्डर शिक्षासन्देशका प्रेम हलुवाई र उत्कृष्ट मिडफिल्डर शिक्षासन्देशका योहाना लिम्बु घोषित भए ।
त्यसतै छात्रातर्फको फाइनल खेलमा रेडस्टार कलेजले अर्किड कलेजलाई ७–० को फाराकिलो गोल अन्तरले पराजित गर्दै उपाधि जितेको हो । रेडस्टारको जितमा स्मृती राईले ह्याट्रिकसहित ३ गोल, सुहाना राईले २ गोल तथा रेजिना थापा र सलिजा राईले १–१ गोल गरे । फाइनल खेलको प्लेयर अफ फाइनल अर्किडकी सुस्मिता बस्नेत घोषित भए भने प्लेयर अफ द टुर्नामेन्ट रेडस्टारकी स्मृती राई, उत्कृष्ट मिडफिल्डर रेडस्टारकी सलिना राई, उत्कृष्ट गोलकिपर रेडस्टारकी मानसिना लिम्बु र हाइ स्कोरर रेडस्टारकी सुहाना राई घोषित भइन् ।
हिसान टेवुल टेनिसको उपाधि अरनिको कलेजलाई
विराटनगर । उच्च शिक्षालय तथा माध्यमिक विद्यालय संघ नेपाल (हिसान) मोरङकोे आयोजनामा हिसान स्पोट्र्स मिट २०८२ अन्तरगत भएको हिसान टेबुल टेनिसको उपाधि छात्र तथा छात्रातर्फ विराटनगरको अरनिको कलेजले उपाधि जितेको छ ।
शहिद मैदानको कवड हलमा भएको टेबुल टेनिसको छात्र टिम इभेन्ट्समा अरनिको कलेज प्रथम भयो भने शिक्षादिप कलेज दोस्रो तथा कान्तिपुर कलेज र भानु कलेज तेस्रो भयो भने छात्रा टिम इभेन्ट्समा अरनिको कलेज प्रथम भयो भने शिक्षादिप कलेज दोस्रो तथा कान्तिपुर कलेज र मेरिल्याण्ड कलेज तेस्रो भयो ।
त्यस्तै छात्र एकलमा मेरिल्याण्डका डेविट बोहरा प्रथम, अरनिकोका आधार दाहाल दोस्रो तथा शिक्षादिप कलेजका आर्यन श्रेष्ठ र अविचल पोखरेल तेस्रो भए भने छात्रा एकलमा अरनिकोकी ओमकुमारी चौधरी प्रथम, अरनिकोकी साधाना चौधरी दोस्रो तथा मेरिल्याण्डकी जीयासेन गुप्ता र प्राप्ती कार्की तेस्रो भइन् ।