विराटनगर ,२८ वैशाख ः विराटनगरस्थित १० स्थित अर्किड कलेजले कक्षा १२ मा अध्ययनरत विद्यार्थीहरूलाई एक विशेष समारोहबीच बिदाइ गरेको छ ।
कलेजले सोमबार विराटनगरमा आयोजित एक समारोहमा १७ औँ ब्याचका ८५० जना विद्यार्थीहरूलाई बिदाइ गरेको हो ।
कलेजका विज्ञान सङ्कायका २५० र व्यवस्थापन संकायका ६०० विद्यार्थी रहेका छन्।
सो अवसरमा कलेजका प्राचार्य मनिष भट्टराईले विद्यार्थीहरूले मेहनेत र लगनशील भएर अध्ययन गरी मुलुक र समाजमा उदाहरण प्रस्तुत गर्नुपर्नेमा जोड दिनुभयो ।
उहाँले गहन अध्ययनले सफलताको शिखरमा पु¥याउने चर्चा गर्र्दै कलेजले सधैँ विद्यार्थीहरुलाई गुणस्तरीय शिक्षा प्रदान गरी चिकित्सक,इन्जिनियर ,प्रशासनको उच्च ओहदामा सफलता प्राप्त गरेका छन् ।
प्रचार्य भट्टराईले भट्टराईले विद्यार्थीहरूको आगामी शैक्षिक यात्राको सफलताका लागि शुभकामना समेत व्यक्त गरे।
कार्यक्रममा कलेजका अध्यक्ष अमित ढकाल र पूर्व प्रिन्सिपल दिपेश बाँस्तोलाले पनि भविष्यका आउने चुनौतीहरू सामना गर्दै अघाडि बढ्न प्रेरणा दिनुभयो ।
कक्षा १२ का विद्यार्थी सरोज पौडेलले कलेजमा प्राप्त ज्ञान तथा अनुशासन आगामी शैक्षिक यात्राका लागि मार्गदर्शक हुने बताए।
बिदाइ कार्यक्रममा विद्यार्थीहरूले विभिन्न गीत तथा नृत्यहरू प्रस्तुत प्रस्तुत गरेका थिए ।–––