ब्रेकिङ नेपाल डट कमको औपचारिक रुपमा शुभारम्भ

Logo
Nav Nepal मंगलबार, भाद्र १०, २०८२

विराटनगर ,९ भदौ कोशी प्रदेशको राजधानी विराटनगरबाट नयाँ अनलाइन पोर्टल ब्रेकिङ नेपाल डट कम औपचारिक रुपमा आजदेखि सुरु भएको छ ।
गाउँशहर मिडिया प्रालिद्वारा सञ्चालित ब्रेकिङ नेपाल डट कमको एक समारोहका बीच विराटनगर महानगरपालिकाका प्रमसख नागेश कोइराला र उपमेयर शिल्पा निराला कार्कीले शुभारम्भ गर्नुभयो ।
सो अवसरमा विराटनगर महानगरपालिकाका प्रमुख कोइरालाले मिडिया सञ्चालनमा आउनुभन्दा टिक्नु मुख्य विषय भएको बताउनु भयो ।्
उहाँले भन्नु भयो, ‘नेपालमा थुप्रै मिडियाहरु सञ्चालनमा आएका छन् तर लामो समयसम्म टिक्न टिक्नका लागि विशेष योजनाका साथ अगाडि बढ्नुपर्छ ।’
प्रमुख कोइरालाले नेपाली समाज अहिले नकारात्मक र निराशाबाट गुज्रिरहेको चर्चा गर्दै सञ्चारमाध्यमहरुले सकारात्मक सन्देश दिने समाचारलाई प्राथमिकतामा राख्नुपर्नेमा जोड दिनु भयो ।
उपप्रमुख शिल्पा निराला कार्कीले समाज रुपान्तरणमा सञ्चार क्षेत्रको अहम् भूमिका निर्वाह गर्दै आइरहेको विचार राख्नु भयो ।
निष्पक्ष र तथ्यमा आधारित रहेर समाचार बनाउनुपर्नेमा उहाँले जोड दिँदै । प्रविधिको बढ्दो प्रयोगले सञ्चार क्षेत्रमा चुनौती देखिन आएको बताउनु भयो ।
नेपाल पत्रकार महासंघका केन्द्रीय सदस्य शंकर खरेलले देशको आर्थिक अवस्थाका कारण सञ्चार क्षेत्र निकै समस्यामा रहेको धारणा राख्नु भयो ।
उहाँले सञ्चार क्षेत्रलाई राज्यले हेर्ने दृष्टिकोण बदलिनुपर्नेमा उनको जोड थियो ।
गाउँशहर मिडिया प्रालिका अध्यक्ष एवं ब्रेकिङ नेपाल डट कमका प्रधानसम्पादक मीनकुमार नवोदित ,हिसानका केन्द्रीय उपाध्यक्ष भेषराज पोखरेल,अग्रज साहित्यकार एवं प्राध्यापक कविराज न्यौपाने र उद्योग संगठन मोरङका अध्यक्ष नन्दकिशोर राठीले सञ्चार माध्यमहरुले आर्थिक विकास र समृद्धिका मुद्दालाई प्राथमिकता दिनुपर्ने सुझाव दिनु भयो ।–––

तपाईको प्रतिक्रिया
हाम्रो बारे

छिटै आउदै छ

हाम्रो टीम

मनोज दाहाल

सम्पर्क

बिराटनगर मोरंग नेपाल
[email protected]
9842020077