विराटनगर। बाल्यअवस्थादेखि नै आफ्नो संस्कति सिकाउनुपर्छ भन्ने मान्यताका साथ विराटनगर–५ स्थित एभरेष्ट सेकेन्डरी स्कुलले मन्टेश्वरी तहमा चाडपर्व लक्षित कार्यक्रम गरेको छ । आज (बिहिबार) एभरेष्ट मन्टेश्वरी ब्लकमा आयोजित कार्यक्रममा बालबालिकाले नेपालीहरुका महान चाडहरु दशैं, तिहार, म्ह पूजा, छठ, नेपाल सम्बत लगायतका पर्वहरुमा हुने धार्मीक संस्कृतिको विषयमा ब्यबहारिक रुपमा अभ्यास गराईएको छ । दशैंको नवरात्रीमा पूजा गरिने नव दुर्गाको स्वरुपमा बालबालिकालाई तयार पारेर पहिलो देखि नवौं दिन सम्म पूजा गरिने दुर्गामाताका स्वरुपमा बालिकाहरुलाई तयार गरिएको थियो । यस्तै असत्यमाथि सत्यको विजय कसरी प्राप्त भयो भन्ने सन्देश प्रवाह गर्न सप्तसति चण्डीको कथा अनुसारको नृत्य प्रस्तुत गर्दै बालबालिकाले दैत्यहरुको नाश कसरी भयो भन्ने सन्देश प्रवाह गरेका थिए । यस्तै टिका जमरा लगाईदिँदै ठूलाबाट कसरी आशिर्वाद लिने भन्ने सन्देश प्रवाह गर्न स्कुललका प्रिन्सिपल टिकाराम पुरीले नव दुर्गाको पूजा गर्दै बालबालिकालाई टिका र जमरा लगाई आशिर्वाद दिनुभएको थियो । कार्यक्रममा दशैं लगत्रै आउने तिहारमा हुने सम्पूर्ण संस्कृति झल्काउने ेगर विष्णु लक्ष्मीको प्रतिकको रुपामा बालबालिकालाई तयार पार्ने मात्र नभई हरेक दिन पूजा कसरी गरिन्छ भन्ने अभ्यास गराइएको थियो । यस्तै दशैंमा खेलिने पिङ, उडाइने चङ्गादेखि तिहारमा खेलिने धेउसी भैलो सम्मको अभ्याास कार्यक्रममा गरयो । यसैगरि विशषेगरि तराइ (अहिले देशब्यापी) मा मनाइने छठ पर्वको महत्व झलकाउने गरिका कृयाकलाप बालबालिका आफैंले गरेका थिए । यो कार्यक्रम गर्न निकै मेहनत गर्नुपरेको एभरेष्ट मन्टेश्वरी ईन्चार्ज मेलिना ओलीले बताउनृुभयो । शास्त्रमा भनेजस्तै पात्रका रुपमा बालबालिकालाई उतार्न निकै मेहनत गर्नुपरेको उहाँको भनाई थियो । यस्तै विद्यालयका प्रिन्सिपल टिकाराम पुरीले बालबाबालिकालाई बाल्यअवस्था देखि नै आफ्नो धर्म संस्कृतिको विषयमा जानकारी गराउन उनीहरुकै प्रत्यक्ष सहभागितामा कार्यक्रम आयोजना गरिएको बताउनुभयो । पछिल्लो समय अभिभावकहरुले समेत बालबालिकालाई आफ्नो धर्म संस्कृति सिकाउन समय निकालन कठिन भइरहेको महशुष गरेर यस्तो कार्यक्रम गरिएको उहाँले बताउनुभयो ।
—