विराटनगर । ग्लोबल इनोभेसनको आयोजनामा स्टुडेन्ट अफ द इयरको छनौट चरण विभिन्न स्थानमा भइरहेको छ । विराटनगर अडिसन भने शनिवार एभरेष्ट कलेजमा भएको हो । जहाँ कक्षा ८ देखि १२ सम्म वा १३ वर्षदेखि २१ वर्ष सम्मका विद्यार्थीले सहभागिता जनाएका छन् । विराटनगर र आसपासका विद्यालयहरूबाट दुई सय भन्दा बढी विद्यार्थीले अडिसनमा  भाग लिएको अडिसन म्यानेजर विश्वास घिमिरेले बताउनुभयो । उहाँका अनुसार विद्यार्थीले आफू भित्र रहेका जुनसुकै प्रतिभा देखाउने सक्ने यो प्लेटफर्ममा विभिन्न कृयाकलापमा भाग लिएका छन् । गायन, नृत्य, कविता वाचन, मार्सल आर्ट, म्युजिक जस्ता जुनसुकै विधामा पनि विद्यार्थीहरुले भाग लिन सक्ने ग्लोबल इनोभेसनले जनाएको छ । म्यानेजर घिमिरेका अनुसार देशभरका ११ स्थानमा प्रारम्भिक अडिसन हुने र त्यहाँबाट छानिएका उत्कष्ट २०० विद्यार्थीहरुले काठमाडौंमा गएर अभ्यास र प्रतिष्पर्धा गर्नेछन् । त्यसबाट छानिएका उत्कृष्ट ४० जना बिचको प्रतिष्पर्धा हुनेछन् । ४० बाट २०, २० बाट १० र १० बाट छानिएका ५ जनाबीच ग्राण्ड फिनाले हुने घिमिरेले बताउनुभयो । ग्राण्ड फिनालेका विजेताले नगद ५ लाख र सोहि मूल्य बराबरको छात्रवृत्ति पाउनेछन् । यस्तै ट्रफी र विभिन्न गिफ्ट ह्याम्परहरु प्रदान गरिने छ । दित्तिय र तृतीय हुनेहरुले पनि गिफ्ट ह्याम्पर प्राप्त गर्ने घिमिरेले बताउनुभयो । बिर्तामोड अडिसन सकिएपछि विराटनगर अडिसन भएको भन्दै उहाँले क्रमश, धरान, जनकपुर, नारायणघाट, पोखरा, बुटवल, धनगढी, काठमाडौं, भक्तपुर र ललितपुरमा अडिसन हुने म्यानेजर घिमिरेले जानकारी दिनुभयो । —